Fýtbol: «Aqjaıyq» Qyzylordada «Qaısardan» basym tústi
NUR-SULTAN. QazAqparat – Fýtboldan Qazaqstan chempıonatynyń onynshy týrda Qyzylordanyń «Qaısary» óz alańynda «Aqjaıyqty» qabyldady, dep habarlaıdy QazAqparat tilshisi.
Buǵan deıin 12 upaı jınaǵan oraldyqtar týrnır kestesinde 8-orynda kele jatsa, alty upaıy bar qyzylordalyqtar 12-satyda edi.
Birinshi taımda qonaqtar sapynda Erkin Tapalovtyń tepken doby qaqpa mańdaıshasynan keri qaıtty.
Oıynnyń ekinshi kezeńi barysynda «Aqjaıyqtyń» bapkeri Vladımır Mazıar shabýylshy, ýkraınalyq Nıkolaı Kovtalıýktiń ornyna reseılik Dmıtrıı Mıchýrenkovty shyǵardy. Bul óz jemisin berdi. 75-mınýtta qaqpashymen jekedara shyqqan D.Mıchýrenkov bıylǵy maýsymdaǵy alǵashqy golyn soqty – 1:0. Budan keıin esep ózgergen joq.
Osy oıynnan keıin oraldyqtar 15 upaımen besinshi orynǵa kóterildi.
«Aqjaıyq» kelesi kezdesýin óz alańynda 14 mamyr kúni «Qaıratpen» ótkizedi.
Bul týrda Tarazda jergilikti klýbty 1:0 esebimen utqan «Astana» osymen jetinshi ret qatarynan jeńisine qol jetkizdi. Al el chempıony «Qaırat» óz alańynda «Shahtermen» teń oınap, taǵy da upaı joǵaltty. Elordalyqtar 26 upaımen sońyndaǵy komandalardan uzaı tússe, bir oıyny kem «Tobyl» (18 upaı) ekinshi, «Taraz» ben «Qaırat» (17 upaı) úshinshi-tórtinshi orynda keledi.
Erteń 10-týr aıasynda «Tobyl» - «Atyraý», «Jetisý» - «Aqtóbe», «Turan» - «Qyzyljar» matchtary ótedi.
Eske sala keteıik, budan buryn N.Kovtalıýktyń úsh goly «Aqjaıyqqa» jeńis ápergenin, «Aqtóbe» klýbynyń bas bapkeri qyzmetinen ketkenin jazǵan bolatynbyz.
Sýretter – Aıbatyr Nurash.
