Fýtbol: «Aqjaıyq» kútpegen jerden «Ertisti» utyp ketti
ORAL. QazAqparat - Fýtboldan premer-lıga komandalary arasynda el birinshiliginiń 27-týrynda búgin kútpegen nátıje tirkeldi, dep habarlaıdy «QazAqparat» tilshisi.
Pavlodarda chempıonat barysynda júldeden úmitker bolǵanymen, keıingi matchtaryn sátsiz ótkizip, besinshi orynǵa syrǵyǵan jergilikti «Ertis» komandasy sońǵy oryndardyń birinde kele jatqan Oraldyń «Aqjaıyǵyn» qabyldady. Birinshi taımda qos komandanyń da esep ashatyndaı múmkindikteri boldy. Sonyń ishinde «Aqjaıyq» sapyndaǵy Qazaqstan jastar quramasynyń múshesi ıÝrıı Pertsýh sondaı sáttiń birin paıdalana almady. Esesine ekinshi taımda ıÝ.Pertsýh buryshtamadan berilgen dopty Qazaqstan ulttyq quramasynyń múshesi Davıd Lorııa qorǵaǵan qaqpaǵa baspen dál baǵyttaı bildi.
Osylaısha, syrt alańda 1:0 esebimen jeńiske jetken Vahıd Masýdovtyń shákirtteri bul oıynnan keıin 26 upaı jınap, týrnır kestesindegi jaǵdaıyn birshama jaqsartty. Oraldyqtar kelesi kezdesýin 24 qyrkúıek kúni óz alańynda Qaraǵandynyń «Shahterimen» ótkizedi.
