Fýtbol: «Aqjaıyq» qatarynan tórtinshi jeńisine qol jetkizdi
NUR-SULTAN. QazAqparat - Fýtboldan Qazaqstan chempıonatynyń 12-týrynda Túrkistannyń «Turany» óz alańynda Oraldyń «Aqjaıyǵyn» qabyldady, dep habarlaıdy QazAqparat tilshisi.
Premer-lıgaǵa bıyl qosylǵan qos komanda osynyń aldynda qatarynan úsh jeńiske qol jetkizdi.
Bul joly oıyn taǵdyry ekinshi taımda sheshildi. 71-mınýtta Erkin Tapalovtan pas alǵan ýkraınalyq shabýylshy Nıkolaı Kovtalıýk baspen soqqan dop torda týlady. Arada tórt mınýt ótkende N.Kovtalıýk penaltıden esepti 2:0-ge jetkizdi. Bul onyń osy birinshiliktegi besinshi goly edi.
Osylaısha qatarynan tórt matchta qarsylastaryn utqan «Aqjaıyq» 21 upaımen týrnır kestesinde úshinshi ornyn saqtap qaldy.
Ýkraınalyq maman Vladımır Mazıardyń shákirtteri kelesi kezdesýin 23 mamyr kúni Oralda Aqtaýdyń «Kaspııimen» ótkizedi.
Eske sala keteıik, budan buryn «Aqjaıyqtyń» el chempıony «Qaıratty» utqanyn jazǵan bolatynbyz.
Sýretter: Aıbatyr Nurash.
