Fýtbol: «Aqjaıyq» el chempıonatyn jeńispen bastady
ORAL. QazAqparat – Birinshi lıgada oınaıtyn Oraldyń «Aqjaıyǵy» birinshilikti jeńispen bastady, dep habarlaıdy QazAqparat tilshisi.
Bıyl koronavırýs indetine baılanysty keıinge shegerilgen birinshi lıga eki konferentsııaǵa bólinip, 15 qyrkúıekte ǵana bastaldy.
Ekinshi konferentsııaǵa túsken oraldyqtar Talǵarda alǵashqy oıynyn SDıÝSShOR №8 klýbymen ótkizdi.
Ótken jyly ekinshi lıga jeńimpazy atanǵan elordalyq komanda ońaı shaǵylatyn jańǵaq emestigin kórsetti. Tek 77-mınýtta qorǵaýshy Ashat Ermekuly óz qaqpasyna gol soǵyp aldy. Esep – 1:0, «Aqjaıyqtyń» paıdasynda.
Oraldyq bapker Artýr Avakıants jattyqtyratyn batysqazaqstandyqtar kelesi básekesin 21 qyrkúıekte «Jetisý-2» (Taldyqorǵan) komandasymen ótkizedi.
Ekinshi konferentsııada sondaı-aq «Atyraý», «Qaırat-Jastar», «Akademııa Ońtústik», «Shahter-Bolat» oıynshylary baq synaıdy.
«Aqjaıyq» fýtbol klýbynyń dırektory Azamat Shaıhynyń aıtýynsha, bıyl da oraldyqtar premer-lıgaǵa oralý úshin baryn salady. Basty qarsylas – legıonerlermen, ózge de beldi fýtbolshylarmen jasaqtalǵan «Atyraý» komandasy.
«Aqjaıyq» bıyl negizinen jergilikti oıynshylarǵa úmit artyp otyr. Bárin de aldaǵy matchtar kórsetedi», dedi QazAqparat tilshisine A.Shaıhy.
Eske sala keteıik, budan buryn birinshi lıga oıyndary bastalǵanyn jazǵan bolatynbyz.
