Fýtbol: «Aqjaıyq» danııalyq klýbpen teń oınady
ORAL. QazAqparat - Túrkııada jańa maýsymǵa daıyndalyp jatqan Oraldyń «Aqjaıyǵy» kezekti joldastyq kezdesýin danııalyq «Tısted» komandasymen ótkizdi, dep habarlaıdy «QazAqparat» tilshisi.
«Aqjaıyq» fýtbol klýbynyń baspasóz qyzmetinen túsken málimetke qaraǵanda, oraldyqtardyń qosalqy quramy birinshi taımda óz qaqpasyna úsh gol ótkizip aldy.
Ekinshi taımda negizgi quram oıynshylary alańǵa shyǵyp, eseni qaıtara bildi. Andreı Tkachýk, Azat Ersálimov jáne Aderınsola Eseola mergendik tanytyp, qos komanda 3:3 esebimen teń tarqasty.
«Aqjaıyq» kelesi sparrıng oıynyn 25 aqpan kúni ótkizedi. Bul kúni Vladımır Mazıardyń shákirtteri Ýkraına birinshi lıgasynyń ókili «Obolon» klýbymen sheberlik baıqasady.
Aıta keteıik, Antalıada qorytyndy oqý-jattyǵý jıynyn ótkizip jatqan «Aqjaıyq» taǵy birneshe oıynshymen tolyqty. Oraldyń qos birdeı túlegi Rýslan Qaıyrov pen Qazaqstan jastar quramasynyń múshesi Ivan Antıpovpen eńbek sharty jasaldy. Oǵan qosa batysqazaqstandyq komandaǵa Semeı fýtbolynyń túlegi, 26 jasar qorǵaýshy Álibek Sákenov alyndy. Ol budan buryn «Spartak» (Semeı), «Altaı» jáne «Atyraý» komandalarynda dop tepken.
