Fýtbol: «Aqjaıyq» bıylǵy maýsymdaǵy alǵashqy jeńisine qol jetkizdi
ORAL. QazAqparat - Fýtboldan el birinshiliginiń úshinshi týrynda Oraldyń «Aqjaıyǵy» Pavlodardyń «Ertisin» qabyldady, dep habarlaıdy QazAqparat tilshisi.
Aqsaı qalasyndaǵy «Qarashyǵanaq» stadıonynda ótken oıynda alań ıeleri baryn saldy. 11-mınýtta «Aqjaıyq» sapyndaǵy ýkraınalyq shabýylshy Aderınsola Eseolanyń 11 metrlik aıyp dobyn «Ertistiń» qaqpashysy Nıkıta Kalmykov qaıtara bildi.
Esesine oıyn sońyna taman, 81-mınýtta dál sol Eseolanyń pasynan keıin Qazaqstan jastar quramasynyń múshesi Ivan Antıpov qaqpa buryshyn dál kózdedi.
Sóıtip 1:0 esebimen «Aqjaıyq» bıylǵy maýsymdaǵy birinshi jeńisine qol jetkizdi. Al bul pavlodarlyqtardyń alǵashqy jeńilisi edi.
Aıta keteıik, «Astana» elordada «Qaısardy» 2:0, shymkenttik «Ordabasy» syrt alańda 1:0 esebimen «Atyraýdy» utty. Osy eki komanda 9 upaımen týrnır kestesinde kósh bastap keledi. «Aqtóbemen» 1:1 esebimen teń oınaǵan «Qaırattyń» 7 upaıy bar. Qalǵan eki match erteń ótedi.
