Fýtbol: «Aqjaıyq» Ázirbaıjan birinshiliginiń kúmis júldegeri «Sımýrgti» utty
ORAL. 18 qańtar. QazAqparat - Túrkııanyń Antalııa qalasynda birinshi oqý-jattyǵý jıynyn jalǵastyryp jatqan Oraldyń «Aqjaıyǵy» Ázirbaıjan joǵary lıgasynyń kúmis júldegeri «Sımýrg» komandasyn 1:0 esebimen utty.
«Aqjaıyq» fýtbol klýbynan túsken málimetke qaraǵanda, tartysty ótken matchta buryshtamadan soń Nıkolaı Zabrodınniń baspen bergen pasynan keıin qyrǵyzstandyq oıynshy Azamat Baımatov jeńis dobyn soqty.
Bul oıynda «Aqjaıyq» mynadaı quramda shyqty Nemanıa Djodjo (Stas Pokatılov, 80 mın.), Marko Djordjevıch (Mıhaıl Lıýbımkın, 60 mın.), Baýyrjan Omarov, Azamat Baımatov (Vladımır Pokatılov), Rýslan Qaıyrov, Sergeı Kondratev, Sergeı Shevtsov (Aıbek Ǵubaıdýllın, 65 mın.), Ivan Antıpov (Rınat Qasymgereev, 55 mın.), Nıkolaı Zabrodın (Eldar Abdrahmanov, 46 mın.), Alekseı Maltsev, Haman Sadjo (Andreı Arbekov, 65 mın.).
Bul - «Aqjaıyqtyń» ekinshi sparrıng-kezdesýi. 19 jáne 20 qańtar kúnderi oraldyqtar máskeýlik «Dınamo» men «Spartak» komandalarynyń qosalqy quramymen kúsh synasady.
