Fýtbol: «Aqjaıyq» Armenııanyń chempıonyn tize búktirdi
ORAL. QazAqparat - Túrkııada el chempıonatyna daıyndalyp jatqan Oraldyń «Aqjaıyǵy» armenııalyq «Shırak» (Gıýmrı) klýbymen kezdesti, dep habarlaıdy «QazAqparat» tilshisi.
«Shırak» óz elindegi birinshilikte tórt márte top jarǵan komanda bolǵanyna qaramastan, ýkraınalyq maman Vladımır Mazıar jattyqtyratyn oraldyqtar 1:0 esebimen jeńiske jetti. Jalǵyz dopty 86-mınýtta Andreı Tkachýktyń pasynan keıin Aderınsola Eseola soqty. Bulardyń ekeýi de «Aqjaıyq» fýtbol klýbymen kelisimshartqa bıyl qol qoıǵan ýkraınalyq oıynshylar bolatyn.
Aıta keteıik, bul - «Aqjaıyqtyń» Túrkııadaǵy ekinshi oqý-jattyǵý jıyny barysyndaǵy besinshi joldastyq kezdesýi. Oraldyqtar endi «Astananyń» Chempıondar lıgasynda oınaǵan burynǵy qarsylasy «Spartak» (ıÝrmala) komandasymen taǵy bir joldastyq matchyn ótkizedi. Osyndaı baıqaý básekelerinen keıin jańadan kelgender synnan ótip, komanda quramy naqtylanatyn bolady.
