Fýtbol: «Aqjaıyq» Antalııada oqý-jattyǵý jıynyn bastady

ORAL. QazAqparat – Bıyl premer-lıgada oınaıtyn Oraldyń «Aqjaıyǵy» Antalııada oqý-jattyǵý jıynyn bastady, dep habarlaıdy QazAqparat tilshisi.

«Aqjaıyq» fýtbol klýbynyń dırektory Azamat Shaıhynyń málim etkenindeı, komanda ýkraınalyq maman Vladımır Mazıardyń basshylyǵymen jattyǵýda.

«Aqjaıyq» quramynda burynnan óner kórsetip kele jatqan oıynshylar bar. Sonymen qatar jańadan birneshe fýtbolshy synnan ótetin bolady.

«Oraldyqtar Túrkııada jańa maýsymǵa barynsha tyńǵylyqty daıyndalmaqshy. Oqý-jattyǵý jıyny qazirgi qalyptasqan jaǵdaıǵa baılanysty otyz kúnge deıin sozylýy múmkin», dedi QazAqparat tilshisine A.Shaıhy.

Eske sala keteıik, budan buryn Krıshtıaný Ronaldýdyń fýtbol tarıhyndaǵy úzdik surmergen atanǵanyn, «Ordabasy» klýbyna bas bapker taǵaıyndalǵanyn jazǵan bolatynbyz.