Fýtbol: «Aqtóbeniń» bas bapkerligine Belarýs mamany Alekseı Baga keldi
NUR-CULTAN. QazAqparat - Belarýs mamany Alekseı Baga fýtboldan qazaqstandyq «Aqtóbe» komandasynyń bas bapkeri boldy. Bul aqparatty komanda resmı túrde rastady, dep habarlaıdy QazAqparat tilshisi.
Aıta keteıik, jekelegen aqparat quraldarynda Alekseı Baga «Aqtóbeniń» Túrkııa jerindegi oqý-jattyǵý jıynyna qatysyp jatqany, soǵan qaramastan komandamen kelisimshartqa áli qol qoımaǵany jóninde habarlanǵan edi.
Atalǵan málimetti aqtóbelik ujym basshylyǵy joqqa shyǵardy.
«Bul derek eshqandaı shyndyqqa saı kelmeıdi. Alekseı Bagamen kelisimshartqa qańtar aıynyń basynda qol qoıylǵan bolatyn», - dep málim etti komanda basshylyǵy.
Alekseı Baga 1981 jyly 4 aqpanda dúnıege kelgen. Fýtboldaǵy mansabynda Belarýstiń BATE, «Smena»-BATE, RShVSM-«Olımpııa», «Dınamo» (Brest) jáne Latvııanyń «Daýgava» komandalarynda oınaǵan. 2011 jyldan beri Belarýstiń BATE komandasynda bas bapkerdiń kómekshisi, mindetin atqarýshy, bas bapker, Latvııanyń «Jalgırısinde» bas bapker qyzmetterin atqardy.
Aıta ketsek, budan buryn Andreı Karpovıchtiń «Qyzyljarǵa», Vardan Mınasıan «Tarazǵa» bas bapker bolǵany habarlanǵan edi.
