FÝTBOL: «Aqtóbe» syrt alańda «Stıaýadan» jeńilis tapty
ASTANA. QazAqparat - Chempıondar Lıgasynyń úshinshi biliktilik raýndyndaǵy qarymta matchta «Aqtóbe» syrt alańda rýmynııalyq «Stıaýadan» 1:2 esebimen jeńilip qaldy.
Oıynnyń úshinshi mınýtynda-aq qarsylastar esep ashty. Aleksandrý Kıpchý golynan keıin «Stıaýa» alǵa shyqty. Al 39-shy mınýtta Nıkolae Stanchý komandasynyń basymdyǵyn eselete tústi. Ekinshi taımda «Aqtóbe» komandasynyń kapıtany Logvınenko eki sary qaǵaz alyp, oıynnan qýylýy jyǵylǵanǵa judyryq boldy. Matchtyń 85-shi mınýtynda Tımýr Kapadze qazaqstandyq komandanyń jalǵyz golynyń avtory atandy.
Aıta keteıik, kezdesý Býzarest qalasynda ótti. Eki komanda arasyndaǵy alǵashqy match Aqtóbede 2:2 esebimen aıaqtalǵan bolatyn. Chempıondar Lıgasynyń úshinshi raýndynda súringen «Aqtóbeniń» endi Eýropa Lıgasynda baq synaıtyn múmkindigi bar.
