Fýtbol: «Aqtóbe» «Ordabasydan» basym túsip, ekinshi orynǵa kóterildi

Búgin fýtboldan premer-lıga komandalary arasyndaǵy el birinshiliginiń 22-týrynda «Ordabasy» «Aqtóbege» ese jiberdi, dep habarlaıdy QazAqparat tilshisi.

Shymkenttiń «Ordabasy» komandasy týrnır kestesinde birinshi orynda keledi. Búgingi oıynda jeńiske jetkende chempıondyq ataqqa bir taban jaqyndaı túsetin edi.

«Aqtóbe» klýby da bas júldeden úmitin úze qoıǵan joq. Sondyqtan olar da oıyn barysynda úsh upaı oljalaýǵa bar kúshin saldy.

Kezdesýde shymkenttik klýbtan Ashat Taǵybergen 28-mınýtta mergendik tanytty. Oǵan Andrııa Fılıpovıch 63, Andreson Nıangbo 81-mınýtta eki golmen jaýap qaıyrdy.

Osylaısha «Aqtóbe» qarsylasyn 2:1 esebimen tize búktirip, týrnır kestesinde ekinshi orynǵa kóterildi.

Al «Ordabasy» jeńilgenine qaramastan birinshi oryndaǵy ornyn saqtap qaldy.

Sondaı-aq, búgin «Astana» «Tobyldan» 2:1 esebimen basym tússe, «Atyraý» men «Qyzyljar» 0:0 esebine qanaǵat bildirdi.

Aıta ketsek, 16 qyrkúıekte óz alańynda «Aqsý» «Oqjetpeske» 0:1, «Kaspıı» «Maqtaralǵa» 0:2 esebimen jol berdi.

Al 17 qyrkúıekte «Jetisý» men «Qaırat», «Shahter» men «Qaısar» komandalary kezdesedi.