Fýtbol: «Aqtóbe» men «Ordabasy» 4:4 esebimen teń tústi
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiligi tórtinshi týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Búgingi sońǵy kezdesýde Almaty qalasyndaǵy «Jas qyran» stadıonynda «Aqtóbe» men Shymkenttiń «Ordabasy» komandalary sheberlik baıqasty. Bul oıynda barlyǵy segiz gol soǵyldy. Shymkenttik klýb qatarynan Temirlan Erlanov 12 Joao Paolo 36, 74, Sergeý Hıjnıchenko 92-mınýttarda mergendik tanytty. Oǵan «Aqtóbe» quramynan Igor Sergeev 27, Erkebulan Nurǵalıev 43, Rıfat Nurmuǵamet 86, Mıhal Ierabek 94-mınýttarda soqqan goldarymen jaýap qaıyrdy. Osylaısha kezdesýde komandalar 1:1 esebine qanaǵat bildirdi.
Taǵy bir kezdesýde Qyzylordada jergilikti «Qaısar» Aqtaýdyń «Kaspıı» klýbyn 2:1 esebimen tize búktirdi. Aldymen aqtaýlyq komandadan Rýslan Mıngazov 26-mınýtta esep ashty. Al ekinshi kezeńde qyzylordalyq klýbtan Karolıs Laýkjemıs 47, Shoqan Abzalov 81-mınýtta kózdegen nysadan múlt ketken joq.
Sondaı-aq, búgin óz alańynda «Taraz» Qaraǵandynyń «Shahterin» 4:0 esebimen tize búktirse, Oraldyń «Aqjaıyǵy» Petropavldyń «Qyzyljaryna» 0:1 esebimen ese jiberdi.
Erteń 10 sáýirde Taldyqorǵanda jergilikti «Jetisý» men Qostanaıdyń «Tobyl» klýbtary kezdesse, Almatyda «Qaırat» pen Túrkistannyń «Turan» klýbtary oınaıdy. Atalǵan týrdaǵy sońǵy oıyn 19.00-de elordada «Astana» men «Atyraý» arasynda bolady.
