Fýtbol: «Aqtóbe» men «Maqtaral» teń tústi
ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 13-týry máresine jetti, dep habarlaıdy QazAqparat tilshisi.
Atalǵan týrdy «Aqtóbe» men «Maqtaral» komandalary túıindedi.
Týrnır kestesinde komandalar jaǵdaıy túrlishe. «Aqtóbe» úzdik úshtikti túıindese, «Maqtaral» sońǵy oryndardy mise tutyp turǵan edi.
Dese de «Maqtaral» sońǵy eki týrda jeńiske jetip, jaǵdaıyn birshama túzep alǵan edi. Sondyqtan bul kezdesýde upaı oljalaýǵa baryn salatyny belgili bolatyn.
Kezdesý barysynda 29-mınýtta aqtóbelik klýbtan Elder Santana esep ashty. Oǵan 92-mınýtta Ramazan Karımov bir golmen jaýap qaıyrdy.
Osylaısha komandalar 1:1 esebine qanaǵat bildirdi.
Sondaı-aq, «Astana» «Kaspııdi» 3:1 esebimen jeńse, «Qaırat» «Qyzyljardy» 3:0 esebimen tize búktirdi.
Al odan keıin «Atyraý» «Tobyldy» 3:0, «Jetisý» «Shahterdi», «Ordabasy» «Aqsýdy», «Qaısar» «Oqjetpesti» 1:0 esebimen qapy qaldyrdy.
