Fýtbol: «Aqtóbe» komandasyna jańa bas bapker keldi
ASTANA. QazAqparat - Belarýs mamany Aleksandr Sednev «Aqtóbe» fýtbol klýbynyń bas bapkeri bolyp taǵaıyndaldy, dep habarlaıdy QazAqparat tilshisi.
«Aqtóbe» fýtbol klýbynyńbaspasóz qyzmetinen túsken málimetke qaraǵanda, A.Sednev aqtóbelik jankúıerlerge burynnan tanys. Ol ótken maýsymda bapkerler quramynda jumys jasaǵan.
A.Sednev Qazaqstanǵa kelgenge deıin «Savıt» (Mogılev), «Dınamo» (Mınsk), «Belshına» (Bobrýısk) jáne «Dnepr»(Mogılev) klýbtarynyń tizginin ustaǵan.
Aıta keteıik, 2018 jylǵy el chempıonatynda jetinshi orynǵa ıe bolǵan «Aqtóbeni» buǵan deıin reseılik maman Vladımır Mýhanov jattyqtyrǵan bolatyn.
Aqtóbelikter jańa maýsym aldyndaǵy Túrkııadaǵy birinshi oqý-jattyǵý jıynyn 11-25 qańtar aralyǵynda ótkizedi. Osy kezeńde «Sepsi» (Rýmynııa), «Septemvri» (Bolgarııa), «Siofok»(Vengrııa) klýbtarymen kezdesý josparlanǵan.
Jıynǵa Igor Trofımets, Jasýr Narzıkýlov, Muhambet Tamabaı, Ramıl Nurmuhametov, Baǵdat Qaıyrov, Saıat Jumaǵalı, Abat Aıymbetov, Ardaq Sáýlet, Anton Shýrygın, Rýstam Temirhan, Rýstam Óksimbaev, Nurbolat Batyrhanov, Ábilhan Abdýkarımov, Esen Jasanov, Álisher Ájimov, Anton Skvortsov, Syrym Ádiljanov, Taýypbek Ornalın, Aslanbek Kákimov, Jambyl Kókeev barady. Olarǵa Túrkııada legıonerler qosylady.
Aıta keteıik, 2018 jylǵy el chempıonatynda jetinshi orynǵa ıe bolǵan «Aqtóbeni» buǵan deıin reseılik maman Vladımır Mýhanov jattyqtyryp kelgen bolatyn.
