Fýtbol: «Aqtóbe» klýbynyń bas bapkeri qyzmetinen ketti
NUR-SULTAN. QazAqparat – Fýtboldan «Aqtóbe» klýbynyń bas bapkeri, belorýssııalyq maman Alekseı Baga qyzmetinen ketti, dep habarlaıdy QazAqparat tilshisi.
«Aqtóbe» fýtbol klýby málim etkenindeı, taraptar ózara osyndaı sheshimge kelgen.
Fýtboldan Qazaqstan chempıonatynyń onynshy týrynda Taldyqorǵanda «Jetisýmen» ótetin oıynda bas bapker mindetin Vladımır Zelenovskıı atqaratyn bolatyn. Ol birinshi lıgada da osyndaı qyzmetti ýaqytsha qolǵa alǵan edi.
El birinshiliginde tórt týr qatarynan jeńiliske ushyraǵan aqtóbelikter týrnır kestesinde 9 upaımen onynshy orynda keledi.
Sonymen qatar «Aqtóbe» fýtbol klýby belgili qazaqstandyq aıaqdop sheberi ıÝrıı Logvınenkomen kelisimshartqa qol qoıylǵanyn jarııa etti.
Osylaısha Aqtóbe fýtbolynyń túlegi ıÝ.Logvınenko óz komandasyna qaıta oralyp otyr. Ol Qazaqstan ulttyq quramasy sapynda 49 match ótkizip, 5 gol soqty.
Eske sala keteıik, budan buryn Kovtalıýktyń úsh doby «Aqjaıyqqa» jeńis ápergenin jazǵan bolatynbyz.
