Fýtbol: «Aqtóbe» klýbyna jańadan úsh oıynshy alyndy
AQTÓBE. QazAqparat – Ótken jyly premer-lıgaǵa qaıta oralǵan «Aqtóbe» klýbyna jańadan úsh oıynshy alyndy, dep habarlaıdy QazAqparat tilshisi.
«Aqtóbe» fýtbol klýbynan málim etkendeı, ıÝrıı Pertsýh, Erkebulan Nurǵalıev jáne Dıdar Jalmuqanmen kelisimshartqa qol qoıylǵan.
Qazaqstan ulttyq quramasynyń jartylaı qorǵaýshysy ıÝrıı Pertsýh – almatylyq TsSKA komandasynyń túlegi. «Báıterek», «Qyzyljar» jáne «Aqjaıyq» komandalarynda dop tepkennen keıin el chempıony «Astanaǵa» alyndy. Elordalyq klýb sapynda 44 oıyn ótkizip, úsh goldyń avtory atandy. 2018 jyldan beri ulttyq quramaǵa shaqyrylyp keledi.
Semeıde týyp-ósken taǵy bir jartylaı qorǵaýshy Erkebulan Nurǵalıev «Ertis», «Oqjetpes», «Aqjaıyq», «Shahter» jáne basqa komandalarda oınady. Sońǵy klýby – aqtaýlyq «Kaspıı».
Shabýylshy Dıdar Jalmuqan óziniń týǵan komandasyna qaıtyp oraldy. Ol 2015 jyly «Aqtóbeniń» negizgi quramyna shaqyrtylyp, eki maýsymda 57 matchta 10 gol soqty. 2017 jyly 20 jastaǵy D.Jalmuqan «Astanaǵa» shaqyrtý alǵanymen, bir jyldan soń «Aqtóbege», keıin «Atyraýǵa» jalǵa berildi. Sońǵy maýsymdy «Astana» quramynda ótkizdi.
Qazirgi kezde «Aqtóbe» basqa klýbtar sııaqty Túrkııada oqý-jattyǵý jıynyn ótkizýde.
Eske sala keteıik, budan buryn Qazaqstan jasóspirimder quramasynyń halyqaralyq týrnırde ekinshi orynǵa ıe bolǵanyn jazǵan bolatynbyz.
