Fýtbol: «Aqtóbe» klýbyna jańa bas bapker taǵaıyndaldy
NUR-SULTAN. QazAqparat – Belgili qazaqstandyq maman Vahıd Masýdov «Aqtóbe» fýtbol klýbynyń bas bapkeri bolyp taǵaıyndaldy, dep habarlaıdy QazAqparat tilshisi.
«Aqtóbe» fýtbol klýbynyń baspasóz qyzmeti málim etkenindeı, taraptar kelisimshartqa qol qoıdy.
Qazirgi kezde 61 jastaǵy V.Masýdovtyń esimi aıaqdop jankúıerlerine jaqsy tanys. Fýtbolshy esebinde «Qaırat» jáne basqa komandalarda dop tepti, Qazaqstan quramasynda oınady. KSRO sport sheberi.
Sondaı-aq bapker retinde kóptegen komandalardy jattyqtyrdy. Sońǵy klýby – birinshi lıgada óner kórsetetin «Maqtaaral» komandasy.
Eske sala keteıik, budan buryn «Aqtóbe» klýby bas bapkeriniń qyzmetinen ketkenin jazǵan bolatynbyz.
Aqtóbelikter el chempıonatynda týrnır kestesinde 13 upaımen 11-orynda keledi.
