Fýtbol: «Aqtóbe» Qazaqstannyń Sýperkýbogynyń ıegeri atandy

Jeksenbi kúni elordadaǵy «Astana-Arena» stadıonynda ótken matchta «Aqtóbe» Atyraýdyń «Atyraý» komandasyn 2:0 esebimen jeńdi, dep habarlaıdy QazAqparat.

«Aqtóbege» jeńis syılaǵan goldardy oıynnyń 42-shi mınótinde Strýkov jáne 80-shi mınótinde Averchenko soqty. Osylaısha «Aqtóbe» óz tarıhynda osymen ekinshi márte Sýperkýbokty jeńip aldy. Kýbokty «Aqtóbe» komandasynyń kapıtany Samat Symaqovqa Ulttyq fýtbol lıgasynyń basshysy Seıilda Baıshaqov tabys etti.

Aıta keteıik, Qazaqstan Fýtbol federatsııasynyń bekitken erejesine sáıkes, Qazaqstannyń Sýperkýbogyn aldyńǵy maýsymda premer-lıga komandalary arasynda chempıon atanǵan jáne Qazaqstan kýbogyn jeńip alǵan komandalar ózara sarapqa salady. 2008/2009 jylǵy maýsymda «Aqtóbe» 26 oıynda 65 upaı jınap, el chempıony atanǵan bolatyn. Al, «Atyraý» bolsa fınalda Qaraǵandynyń «Shahter» komandasyn jeńip, byltyr Qazaqstan kýbogynyń ıegeri atandy.