Fýtbol: «Aqtóbe» Eýropa lıgasynyń kelesi kezeńine óte almady

Tartysty ótken oıynnyń negizgi ýaqyty 1:1 esebimen aıaqtaldy. Vladıkavkazdaǵy birinshi oıyn da dál osylaı bitken edi. Komandalar qosymsha ýaqytta da esepti ózgerte almady. Oıyn taǵdyryn penaltı serııasy sheshti. Eýropa lıgasynyń úshinshi kvalıfıkatsııalyq kezeńinde, penaltı kezinde aqtóbelikter 2:4 esebimen qarsylastaryna ese jiberdi.

Aıta keteıik, 21 shilde kúni Eýropa lıgasy aıasynda «Aqtóbe» fýtbolshylary óz alańynda vengrııalyq «Kechkemet» komandasyn qabyldap, teń oınaǵan bolatyn. Eýropa lıgasynyń ekinshi kezeńindegi qarsylastary bolyp tabylatyn «Kechkemetpen» jerlesterimiz Vengrııada ótken birinshi matchta 1:1 esebimen teń túsken edi. Osylaısha úshinshi kezeńge joldama alǵan aqtóbelikter osydan bir apta buryn syrt alańda 1995 jylǵy Reseı chempıony, 1992, 1996 jyldarda Reseı chempıonatynyń kúmis júldegeri bolǵan «Alanııa» komandasymen teń oınaǵan bolatyn. Degenmen, bul joly óz alańynda osy komandany qabyldaǵan aqtóbelikter jankúıerler seniminen shyǵa almady.