Fýtbol: «Aqtóbe» Eýropa chempıondary lıgasynyń úshinshi irikteý kezeńine ótti
ASTANA. Shildeniń 22-si. QazAqparat /Ernur Aqanbaı/ - Qazaqstannyń «Aqtóbe» fýtbol klýby 2010/2011 jylǵy maýsymdaǵy Eýropa chempıondary lıgasynyń ekinshi irikteý kezeńin eńserdi.
Qazaqstan fýtbol federatsııasynyń málimetinshe, keshe bizdiń komanda syrt alańda ótken qarymta matchta Grýzııanyń «Olımpı» (Rýstavı) komandasymen 1:1 esebimen teń oınady. Al, budan bir apty buryn óz alańynda bolǵan oıynda aqtóbelikter qarsylastarynan 2:0 esebimen basym túsken bolatyn. Osylaısha eki matchtyń qorytyndysy boıynsha «Aqtóbe» «Olımpıden» basym túsip, chempıondar lıgasynyń kelesi irikteý kezeńine ótti. Endi úshinshi irikteý kezeńinde «Aqtóbe» Izraıldiń «Hapoel» jáne Bosnııa men Gertsogovınanyń «Jeleznıchar» klýbtarynyń qaısy jeńgenimen oınaıtyn bolady.
Aıta keteıik, 2009/2010 jylǵy maýsymda «Aqtóbe» chempıondar lıgasynyń irikteý kezeńindegi jarysyn úshinshi aınalymda aıaqtaǵan bolatyn. Bul aınalymda jerlesterimiz qos matchtyń nátıjesi boıynsha Izraıldiń «Makkabı» (Haıfe) klýbyna ese jibergen edi.
