Fýtbol: «Aqtóbe» Dostastyq kýbogynyń jartylaı fınalynda
ASTANA. Qańtardyń 21-i. QazAqparat /Ernur Aqanbaı/ - «Aqtóbe» komandasy Máskeýde ótip jatqan fýtboldan TMD jáne Baltyq elderi chempıondary kýbogynyń jartylaı fınalyna shyqty,
dep habarlaıdy QazAqparat.
Bizdiń komanda shırek fınalda Belarýstyń «Dnepr» Mg komandasyn 3:1 esebimen jeńdi. Goldardyń avtorlary: Essomba (14 mınót), Golovskoı (20 mınót), Kenjesarıev 61 (mınót). Endi «Aqtóbe» jartylaı fınalda Lıtvanyń «Ekranas» komandasymen kezdesedi.
Aıta keteıik, bul týrnırde «Aqtóbe» Ázirbaıjannyń «Baky», Fınlıandııanyń «HIK» jáne Tájikstannyń «Vahsh» klýbtarymen birge «V» tobynda oınady. Olar jarys kúntizbesine sáıkes, aldymen Fınlıandııanyń «HIK» komandasymen kezdesip, oǵan 0:1 esebimen ese jiberip qoısa, odan keıin Tájikstannyń «Vahsh» klýbyn 2:0 jáne Ázirbaıjannyń «Baky» komandasyn 2:0 esebimen jeńdi. Qańtardyń 16-da bastalǵan «Dostastyq» kýbogy úshin jarys 24-i kúni aıaqtalady.
Atap óterligi, «Aqtóbe» 2009 jylǵy TMD jáne Baltyq elderi chempıondary kýbogy týrnıriniń kúmis júldegeri atanǵan bolatyn. Fınalda jerlesterimiz Moldovanyń «Sherıf» klýbyna ese jiberdi. Osylaısha «Aqtóbe» óz tarıhynda tuńǵysh ret Dostastyq kýbogynyń kúmis júldesine ıe boldy. Bul buǵan deıin atalmysh týrnırge qatysqan qazaqstandyq klýbtardyń ishindegi eń joǵary nátıje.
