Fýtbol: «Aqtóbe» Dostastyq kýbogynyń fınalynda
ASTANA. Qańtardyń 23-i. QazAqparat /Ernur Aqanbaı/ - «Aqtóbe» komandasy Máskeýde ótip jatqan fýtboldan TMD jáne Baltyq elderi chempıondary kýbogynyń fınalyna shyqty,
dep habarlaıdy QazAqparat.
Bizdiń komanda jartylaı fınalda Lıtvanyń «Ekranas» komandasyn 3:0 esebimen jeńdi. Bul matchta Kenjesarıev oıynnyń 55-shi jáne 78-shi mınótterinde mergendigimen kózge tússse, 81-shi mınótte Golovskoı qarsylastar qaqpasyn dóp kózdedi. Osylaısha «Aqtóbe» qatarynan ekinshi jyl Dostastyq kýbogynyń aqtyq synyna shyǵyp otyr.
Aıta keteıik, «Aqtóbe» 2009 jylǵy TMD jáne Baltyq elderi chempıondary kýbogy týrnıriniń kúmis júldegeri atanǵan bolatyn. Fınalda jerlesterimiz Moldovanyń «Sherıf» klýbyna ese jiberdi. Osylaısha «Aqtóbe» óz tarıhynda tuńǵysh ret Dostastyq kýbogynyń kúmis júldesine ıe boldy. Bul buǵan deıin atalmysh týrnırge qatysqan qazaqstandyq klýbtardyń ishindegi eń joǵary nátıje.
Bıylǵy týrnırde «Aqtóbe» Ázirbaıjannyń «Baky», Fınlıandııanyń «HIK» jáne Tájikstannyń «Vahsh» klýbtarymen birge «V» tobynda oınady. Olar jarys kúntizbesine sáıkes, aldymen Fınlıandııanyń «HIK» komandasymen kezdesip, oǵan 0:1 esebimen ese jiberip qoısa, odan keıin Tájikstannyń «Vahsh» klýbyn 2:0 jáne Ázirbaıjannyń «Baky» komandasyn 2:0 esebimen jeńdi. Óz tobynan ekinshi orynmen shyqqan jerlesterimiz odan keıin shırek fınalda Belarýstyń «Dnepr» Mg komandasyn 3:1 esebimen jeńdi. Al jartylaı fınalda joǵaryda aıtyp ótkenimizdeı, Lıtvanyń «Ekranas» komandasyn qapy qaldyrdy.
