Fýtbol: «Aqtóbe» chempıondar lıgasynyń irikteý kezeńindegi oıynyn Grýzııanyń «Olımpı» klýbymen bastaıdy
ASTANA. Maýsymnyń 22-si. QazAqparat /Ernur Aqanbaı/ - Maýsymnyń 21-i kúni ÝEFA-nyń shtab páterinde 2010-2011 jylǵy maýsymdaǵy Eýropa chempıondary lıgasynyń birinshi jáne ekinshi irikteý kezeńiniń jerebesi tartyldy.
Bul jarysta Qazaqstan atynan 2010 jylǵy el chempıony - Aqtóbeniń «Aqtóbe» klýby synǵa túsedi. Jerebe boıynsha «Aqtóbege» Grýzııanyń «Olımpı» (Rýstavı) komandasy qarsylas atandy. Matchtar shildeniń 13/14 jáne 20/21 kúnderi ótedi. Birinshi match Aqtóbede oınalady. Atap óterligi, 2007/2008 jylǵy maýsymda «Olımpı» chempıondar lıgasynyń irikteý kezeńinde «Aqtóbeniń» qarsylasy bolǵan. Ol kezde bizdiń chempıon eki matchtyń qorytyndysy boıynsha qarsylasynan basym túsken bolatyn.
Aıta keteıik, 2009/2010 jylǵy maýsymda «Aqtóbe» chempıondar lıgasynyń irikteý kezeńindegi jarysyn úshinshi aınalymda aıaqtady. Bul aınalymda jerlesterimiz qos matchtyń nátıjesi boıynsha Izraıldiń «Makkabı» (Haıfe) klýbyna ese jiberdi.
