Fýtbol: Afrıkadaǵy álem chempıonatynda qazylyq jasaıtyndardyń tizimine qazaqstandyq tóreshiler enbedi
ASTANA. Aqpannyń 10-y. QazAqparat /Ernur Aqanbaı/ - Halyqaralyq fýtbol federatsııasy 2010 jyldyń jaz mezgilinde Ońtústik Afrıka Respýblıkasynda ótetin álem chempıonatynda qazylyq jasaıtyn tóreshiler brıgadasynyń tizimin jarııalady.
Qara qurlyq tórindegi álemdik dodada 28 eldiń referıleri qazylyq etpek. Alaıda, bul tizimde birde-bir qazaqstandyq tóreshi joq, dep habarlaıdy QazAqparat «Alaman» sport saıtyna silteme jasap.
Saıttyń málimetinshe, esesine bul tizimge Ózbekstan men Qyrǵyzstan eliniń tóreshileri enip otyr. Jalpy Afrıka qurlyǵynda tuńǵysh ret uıymdastyrylǵaly otyrǵan álimdik dop dodasyna bas-aıaǵy 28 elden 90 tóreshi jáne olardyń assıstentteri qazylyq jasaıtyn bolady. Onyń 30-y ÝEFA-nyń, 18-i Ońtústik Amerıkanyń, 12-si KONKAKAF aımaǵynyń, 12-si Azııanyń, 12-si Afrıkanyń, 6-ýy Muhıt aımaǵynyń ókilderi.
