Fýtbol ÁCh qarsańynda Astananyń býkmekerlerinde shamandar jumys isteıtin bolady
ASTANA. QazAqparat - Fýtbodan álem chempıonatynyń qarsańynda elordanyń býkmekerlik keńseleriniń biri óziniń klıentterine erekshe qyzmet túrin usynbaq. Mýndıaldyń barlyq kúnderi bás tigetin oryndarda kóripkelder men balgerler tipti shamandar da otyrady, dep habarlady «Ekspress-K».
Bul totalızator jaqynda ǵana ashylǵanmen, sportsúıer ezoterıka kómegimen jeńiske jetý múmkindikterin arttyrady. «Tylsym dúnıeniń bári psıhologııalyq turǵydan adamdy tartady», - dep túsindirdi óz ıdeıasyn býkmeker Abaı Sábıtov. - Onyń ústine bizdiń jańa qyzmet match nátıjesin tek boljaýǵa ǵana kómektespeıdi, sondaı-aq shamandyq salt joralǵylar arqyly oıynǵa áser ete alady - ol úshin Hakasııadan naǵyz shamandy shaqyramyz». Eger klıent báske tikken aqshasyn utylyp qalyp jatsa, olar balgerlerdi býkmekerlik keńse ıelerimen aýyz jalasqan dep aıyptamaı ma degen suraqqa bıznesmen ondaı jaǵdaı týyndaýy múmkin emes, óıtkeni shaqyrylǵan mamandar tek ózderi úshin ǵana jumys isteıdi jáne óz jumystaryna ózderi jaýap beredi dedi.
