Fýtbol: Abat Aıymbetov «Astana» klýbyna aýysty
NUR-SULTAN. QazAqparat – Qazaqstan ulttyq quramasynyń shabýylshysy Abat Aıymbetov «Astana» klýbyna aýysty, dep habarlaıdy QazAqparat tilshisi.
«Astana» fýtbol klýby málim etkendeı , oıynshymen kelisimshartqa qol qoıyldy.
Abat Aıymbetov óziniń sporttyq jolyn «Aqtóbe» klýbynda bastap, 2013 jyly komanda sapynda Qazaqstan chempıony atandy. Sýperkýbokqa da ıe boldy. Sondaı-aq Eýropa lıgasy irikteý kezeńderine qatysty.
2020 jyly almatylyq «Qaırat» sapynda el chempıonatynda altyn júldege qol jetkizip, úzdik surmergen ataǵyna qol jetkizdi. Abat bıyl qysta Reseıdiń FNL-ynda oınaıtyn Samaranyń «Krylıa Sovetov» klýbyna aýysqan edi.
Shabýylshy Qazaqstan ulttyq quramasy sapynda 13 match ótkizip, 2 gol soqty.
Abat elordalyq komandanyń sapynda jazǵy transferge deıin jalǵa oınaıdy.
Kelisimshartqa qol qoıǵannan keıin A.Aıymbetov ózine osyndaı múmkindik bergen «Astana» klýbyna rıza ekendigin, alańda baryn salatynyn jetkizdi.
