Fýtbol: 8-shi týrdan keıin «Ertis» kósh bastady
ASTANA. Mamyrdyń 4-i. QazAqparat /Ernur Aqanbaı/ - Fýtboldan Premer-lıga komandalary arasyndaǵy Qazaqstan chempıonatynyń 8-shi týrynan keıin kósh basyna Pavlodardyń «Ertis» komandasy shyqty,
dep habarlaıdy QazAqparat.
Bul týrda «Ertis» syrt alańda «Atyraýdan» 3:0 esebimen basym tústi. Sóıtip 8 oıynda 17 upaı jınap, birinshi orynǵa kóterildi. Buǵan deıin tizgindi eshkimge bermegen Qostanaıdyń «Tobyl» klýby bul týrda óz alańynda Astananyń «Lokomatıv» komandasynan 0:1 esebimen utylyp qalyp, ekinshi orynǵa syrǵydy. Úshinshi orynda Qaraǵandynyń «Shahter» komandasy tur. Bul úsh komandanyń upaı sandary birdeı, alaıda olardyń týrnır kestesindegi oryndary soqqan jáne jibergen goldarynyń arasyndaǵy aıyrmashylyqa qaraı anyqtalyp otyr. Kósh sońynda Almatynyń «Qaırat» jáne Oraldyń «Aqjaıyq» komandalary keledi. 9-shy týrdyń oıyndary mamyrdyń 7-si kúni ótedi. Bul týrdaǵy ortalyq match «Shahter» men «Ertis «arasynda ótedi.
