Fýtbol: 600 myńnan astam adam Eýro-2012 fınalyna qatysýǵa yqylas bildirdi
ASTANA. 2 naýryz. QazAqparat - Álemniń 61 elinen 600 myńnan astam adam 2012 jylǵy fýtboldan Eýropa chempıonatynyń fınaldyq oıynyna ótinishterdi qabyldaýdyń alǵashqy kúninde-aq bılet alýǵa ótinish berdi, dep habarlaıdy ÝEFA-nyń resmı saıty.
Ótinishterdi qabyldaý fýtbol qaýymdastyǵynyń resmı saıtynda 2011 jyldyń 1 naýryzynda ashyldy, ol endi 31 naýryzǵa deıin jalǵaspaq. Trıbýnadaǵy oryndar men oıynnyń mańyzdylyǵyna baılanysty, bir bılettiń quny 30 eýrodan, 600 eýroǵa deıin quraıdy.
Chempıonatty uıymdastyrý komıtetiniń deregi boıynsha, 1,4 mıllıon bılettiń 85 paıyzǵa jýyǵy jankúıerlerge satylsa, al qalǵandary syıly qonaqtarǵa, demeýshilerge, ÝEFA men fýtbol qaýymdastyǵyna múshe-elderdiń sheneýnikterine úlestiriledi.
