Fýtbol: 2024 jylǵy Eýropa chempıonaty Túrkııada ótýi múmkin

YSTANBUL. QazAqparat - Túrkııa 2024 jylǵy fýtboldan ótetin Eýropa chempıonatyn qabyldaýǵa nıetti. Bul jóninde Anadoly agenttigine ÝEFA dırektorlar keńesiniń múshesi jáne Túrkııa Fýtbol federatsııasy basshysynyń orynbasary Servet ıArdymdjı málim etti.

«Túrkııanyń fýtboldan Eýropa chempıonatyn qabyldaıtyn ýaqyty keldi. ÝEFA Túrkııanyń kandıdatýrasyn maquldaıdy dep senemiz», - dedi ıArdymdjı.

Onyń aıtýynsha, Túrkııa Fýtboldan ECh-ǵa tórtinshi ret ótinish tastaǵan.

«Dástúrdi ózgertetin ýaqyt keldi. Eýropa chempıonatyn Eýropa elderiniń biri emes, Túrkııa qabyldaýy tıis. Túrkııanyń stadıondary Germanııadaǵydan da jańa. Matchtar 10 stadıonda ótedi, olardyń segizi áldeqashan daıyn bolǵan. Túrkııa aýmaǵynda jankúıerler úshin kólikter tegin bolady. ÝEFA Germanııaǵa qaraǵanda, Túrkııadan kóbirek qarajat túsiredi», - dedi ıArdymdjı.

Beısenbi, 27 qyrkúıekte ÝEFA-nyń Atqarýshy komıteti EÝRO-2024-ti qabyldaıtyn eldi tańdaıdy. Úmitkerler arasynda tek eki memleket qana bar. Germanııanyń Fýtbol odaǵy men Túrkııanyń Fýtbol federatsııasy 2018 jylǵy sáýir aıynda týrnırdi ótkizýge ótinish bildirgen bolatyn.