Fýtbol: 2022 jylǵy álem chempıonatynyń Eýropada irikteý satysy bastalady
NUR-CULTAN. QazAqparat - 24 naýryzda 2022 jylǵy álem chempıonatyna Eýropa qurlyǵy boıynsha irikteý satysy bastalady, dep habarlaıdy QazAqparat tilshisi.
Esterińizge sala keteıik, Qazaqstan atalǵan dop dodasynyń irikteý satysynda D tobynda synǵa túsedi. Qarsylastary - Frantsııa, Ýkraına, Bosnııa jáne Gertsogovına, Fınlıandııa quramalary.
Qazaqstandyq fýtbolshylar búgingi oıyn kúninde eshqandaı quramamen kezdespeıdi. Toptaǵy ózge quramalar ózara sheberlik baıqasady. Óz alańynda Frantsııa Ýkraınany qabyldasa, Fınlıandııa Bosnııa jáne Gertsogovınamen kúsh synasady.
Al Qazaqstan quramasy alǵashqy oıynyn 28 naýryzda elordada Frantsııaǵa qarsy ótkizedi. Odan keıin 31 naýryzda syrt alańda Ýkraınamen jasyl alańǵa shyǵady.
Eýropa qurlyǵynda 55 qurama 11 topqa bólingen. Árbir topta alǵashqy eki orynǵa ıe bolǵan quramalar álem chempıonatynyń fınaldyq satysyna tikeleı joldama alady. Іrikteý kezeńi bıylǵy jyldyń 16 qarashasynda márege jetedi.
Dúbirli dodanyń fınaldyq satysy 2022 jyldyń 21 qarashasy men 18 jeltoqsany aralyǵynda Katarda ótedi.
