Fýtbol: 2022 jylǵy álem chempıonatyn 2023 jyldyń qysyna shegerý usynyldy
ASTANA. QazAqparat - Nemis fýtbol odaǵanyń prezıdenti Volfgang Nırsbah Qatardaǵy álem chempıonatyn ótkizý merzimin 2022 jyldyń jazynan 2023 jyldyń qysyna aýystyrýdy usyndy. Bul jaıynda germanııalyq BAQ habarlady.
Budan buryn Halyqaralyq fýtbol qaýymdastyqtary federatsııasynyń (FIFA) bas hatshysy Jerom Valke 2022 jylǵy álem birinshiligi maýsym-shilde aralaǵynda ótkizilmeıtinin málimdegen bolatyn. Óıtkeni, bul kezeńde Qatarda kún 40 gradýsqa deıin ystyq bolady.
«Eger de álem chempıonaty 2022 jyldyń qysynda ótkizilse, onda ol Olımpıada oıyndarymen tuspa-tus keledi. Sondyqtan da FIFA basshylyǵy týrnırdi 2023 jyldyń qysynda ótkizý múmkindigin qarastyrýy tıis», - deıdi Nırsbah.
