FÝTBOL: 2014 álem chempıonatyna qatysýshy elder polıtseıleri óz jankúıerlerin baqylaıdy
ASTANA. QazAqparat - Brazılııa federaldyq polıtsııasynyń suraýymen fýtboldan álem chempıonatyna qatysýshy elder óz jankúıerlerin baqylaý úshin tártip saqshylaryn jiberedi.
Bul týraly sársenbi kúni federaldyq polıtsııa ınspektory Felıpe Seıshas málimdedi.
Sheteldik polıtseıler stadıondarda óz jankúıerleriniń trıbýnalaryna qarsy ornalastyrylady. Jankúıerler olardyń formalaryn kórý arqyly óz elderiniń quqyq qorǵaý organy ekenin ańǵarady. Bul jankúıerlerdiń aýdarmashysyz da polıtseıdiń kómegine júgine alýy úshin jasalyp otyr. Quqyq qorǵaý organdary brazılııalyq qaýipsizdik qyzmetkerlerimen birlese otyryp, keleńsizdikterdiń týyndaýyna jol bermeıdi.
Ár oıynda trıbýnany komandasy alańǵa shyqqan elderdiń kem degende 4 tártip saqshysy kúzetedi dep kútilýde.
