Fýtbol: 2-týrdan keıin «Aqtóbe» jeke dara kósh bastady
ASTANA. 14 naýryz. QazAqparat /Marlan Jıembaı/ - Fýtboldan Premer-lıga komandalary arasyndaǵy Qazaqstannyń jıyrmasynshy chempıonatynyń 2-týrynan keıin «Aqtóbe» komandasy jeke dara kósh bastady.
Bul týrdyń oıyndary ótken senbide, 12 naýryz kúni ótti. «Aqtóbe» syrt alańda Pavlodardyń «Ertis» komandasymen kezdesip, 3:2 esebimen basym tústi. Osylaısha 2 oıynda da jeńiske jetken aqtóbelikter 6 upaımen kósh tizginin óz qoldaryna aldy. Ekiinshi orynda 4 upaıy bar Óskemenniń «Vostok» komandasy keledi. Bul týrda «Vostok» syrt alańda Qyzylordanyń «Qaısarymen» upaı bólisti, esep - 1:1. Úshinshi orynda 2010 jylǵy el chempıony - «Qostanaıdyń «Tobyl» klýby tur. Olar «Tarazdy» qabyldap, 3:0 esebimen jeńiske jetti. Kósh sońynda áli birde-bir upaı enshilemegen "Taraz" komandasy keledi.
2-týrdaǵy qalǵan matchtardyń nátıjeleri mynadaı: «Lokomotıv» (Astana)-«Ordabasy» (Shymkent) 1:0, «Shahter» (Qaraǵandy)-«Atyraý» (Atyraý) 0:0, «Jetisý» (Taldyqorǵan)-«Qaırat» (Almaty) 0:1.
17 naýryzda ótetin 3-týrda Taraz - Lokomotıv, Ordabasy - Jetisý, Shahter - Ertis, Aqtóbe - Tobyl, Qaırat - Qaısar jáne Vostok - Atyraý komandalary kezdesedi.
