Fýtbol: 19 jasqa deıingi jastar quramasy tuńǵysh ret «Valentın Granatkın memorıalyna» qatysqaly otyr
ALMATY. 3 qańtar. QazAqparat - Qazaqstanyń 19 jasqa deıingi jastar quramasy 5-13 jeltoqsan kúnderi Sank-Peterbor qalasynda ótetin 15-shi «Valentın Granatkın memorıalyna» qatysýǵa attanyp ketti. Aǵa bapker Mıhaıl Solovev bastaǵan jattyqtyrýshylar alqasy onda 18 sportshyǵa úmit artpaq.
Onyń beseýi «Qaırat» (Almaty), tórteýi «Ertis»(Pavlodar), úsheýi «Astana», al ózge altaýy «Aqtóbe», «Atyraý» «Vostok» (Óskemen), «Taraz», «Tobyl» (Qostanaı), «Suńqar» (Qaskeleń) komandalarynan jınalyp otyr. Ekeýi qaqpashy (Ilıa Karavaev, Mıhaıl Golýbnıchıı), altaýy qorǵaýshy (Qýanysh Sovetov, Qasymjan Taıpov, Madııar Nuraly, Ábilqaıyr Ismaılov, Ernar Qydyralı, ıÝrıı Kýzmenko,), altaýy jartylaı qorǵaýshy (Ánýar Jaǵyppar, Rýstam Sahıbov, Abaı Júnisov, Nurlan Daırov, Altynbek Saparov Vladımır Vomenko,), tórteýi shabýylshy (Birjan Saǵyndyk, Álisher Súleı, Ádil Balǵabaev, Vladıslav Morozov).
Dástúrli túrde jyl saıyn ótetin bul jarysqa bıyl 16 komanda qatyspaq. Jerebe boıynsha Chehııa, Ýkraına, Ázirbaıjan, Lıtva quramalary «A» tobynda, Grekııa, Slovenııa, Reseı, Latvııa quramalary «V» tobynda, Qazaqstan, Iran Túrkııa, Fınlıandııa quramalary «S» tobynda, al
Belgııa, Italııa, Belorýs quramalary men alań qojaıyndary Sankt-Peterbor qalasynyń komandasy «D» tobynda baq synaıdy. Toptyq saıystar 10 jeltoqsanda aıaqtalady. Odan keıin óz tobynda birinshi oryn alǵandar 1-4, ekinshi oryn alǵandar 5-8, úshinshi oryn alǵandar 9-12, tórtinshi oryn alǵandar 13-16 orynǵa talasady.
Jalpy FIFA-nyń 1-shi vıtse-prezıdenti Valentpn Granatkındi eske túsirýge arnalǵan halyqaralyq týrnır alǵash ret 1981 jyly Máskeýde ótken bolatyn. Sank-Peterborda ol 1983 jyldan beri uıymdastyrylyp kele jatyr. Onda byltyr 12 komandanyń arasynan Italııa, Fınlıandııa, Túrkııa, Reseı quramalary 1-4 oryndy ózara bólisken edi.
