Fýtbol: 16-shy týrdan keıin «Aqtóbe» 3-shi orynǵa kóterildi
ASTANA. Maýsymnyń 18-i. QazAqparat /Ernur Aqanbaı/ - Fýtboldan Qazaqstan chempıonatynyń 16-shy týrynan keıin kósh basyna qaıtadan Qostanaıdyń «Tobyl» komandasy shyqty. «Tobyl» syrt alańda Oraldyń «Aqjaıyǵyn» 2:0 esebimen utyp, 32 upaı jınady.
Bul týrda osy maýsymdaǵy bas júldeden úmitker komandalar Qaraǵandynyń «Shahteri» jáne Pavlodardyń «Ertisi» súreńsiz oınady. Astananyń «Lokomotıvi» «Shahterdi» 4:0 esebimen tas-talqan etip utty. Al, «Ertis» bolsa Taldyqorǵanda jergilikti «Jetisýmen» upaı bólisti, esep 0:0. 16-shy týrdan keıin «Aqtóbe» «Shahterdi» artqa tastap týrnır kestesiniń 3-shi satysyna kóterildi. Byltyrǵy maýsymdaǵy el chempıony bul joly Shymkentte «Ordabasy» klýbynan 2:0 esebimen basym tústi. Qazir 2-shi oryndaǵy «Ertiste» 30 upaı, al «Aqtóbede» 28 upaı bar. 16-shy týrdaǵy qalǵan matchtardyń nátıjeleri mynadaı: «Oqjetpes»-«Taraz» 2:2, «Qaırat»- «Atyraý» 1:0.
