Fýtbol: 10-shy týrdan keıin «Tobyl» kósh bastady
ASTANA. Mamyrdyń 12-si. QazAqparat /Ernur Aqanbaı/ - Keshe fýtboldan Premer-lıga komandalary arasynda Qazaqstan chempıonatynyń 10 týrynyń oıyndary ótti.
Bul týrda Qostanaıdyń «Tobyl» komandasy Kókshetaýdyń «Oqjetpesin» jeńip, 23 upaımen jeke dara kósh bastady, dep habarlaıdy QazAqparat.
Osy týrǵa deıin «Tobylmen» ıyq tirestirip kelgen Pavlodardyń «Ertis» klýby syrt alańda ótken maýsymdaǵy el chempıony - «Aqtóbemen» upaı bólisýge májbúr boldy. 10-shy týrdyń ortalyq matchy sanalǵan bul oıynda esep ashylǵan joq. Sóıtip pavlodarlyqtar qostanaılyqtardan 2 upaı qalyp qoıdy.
10-shy týrdaǵy qalǵan matchtardyń nátıjeleri mynadaı: «Shahter»-«Taraz» 2:0, «Atyraý»-«Jetisý» 1:2, «Ordabasy»-«Lokomatıv» 3:1, «Aqjaıyq»-«Qaırat» 2:2. Kelesi týrdyń oıyndary mamyrdyń 20-da ótedi.
