Fýrmanov shyńynda aıaǵynan jaraqat alǵan týrıst qutqaryldy
ALMATY. QazAqparat – Qutqarýshylar Almaty oblysy aýmaǵyndaǵy Fýrmanov shyńyna shyqqan týrısti qutqaryp aldy, dep habarlaıdy QazAqparat tilshisi.
13 qyrkúıek kúni tańerteń qutqarý qyzmetiniń jedel kezekshi (109) pýltine kómektiń kerektigi týraly habarlama kelip tústi. Habarlasqan azamat Fýrmanov shyńyna shyǵyp ketken áıeldiń aıaqtan jaraqat alǵanyn málim etken.
«Týrısterden alynǵan aqparat boıynsha oqıǵa ornyna jeke quramnyń úsh qutqarýshysynan turatyn ekıpaj jiberildi. Sondaı-aq qutqarýshylar taýǵa shyǵyp bara jatyp, QR TJM Medıtsınalyq apattar ortalyǵynan medıtsınalyq qyzmetkerlerdiń brıgadasyn shaqyrdy. Zardap shekken áıelge alǵashqy medıtsınalyq kómek kórsetilip, qutqarýshylar arnaıy quraldarmen áıeldi tómenge túsire bastady. Týrısti qutqarý jumysy sátti aıaqtaldy», - dep habarlaıdy qutqarý qyzmetinen.
