Fýrmanov shyńyna shyqqan úsh jigit adasyp ketken

ASTANA. KAZINFORM — TJM qutqarýshylary Fýrmanov shyńynan túsip kele jatyp adasyp ketken úsh adamdy tapty, dep habarlaıdy vedomstvonyń baspasóz qyzmeti.

TJM Respýblıkalyq jedel-qutqarý jasaǵynyń «Medeý» qutqarý beketine 2004, 2006 jylǵy úsh jigittiń Talǵar aýdanyndaǵy Fýrmanov shyńynan túsip kele jatyp baǵytynan jańylyp, adasyp ketkeni týraly habarlama tústi. Oqıǵa ornyna quramynda 5 qutqarýshy jáne bir tehnıkasy bar jedel top jiberildi.

— RJQJ TJM mamandarynyń izdestirý-qutqarý jumystarynyń nátıjesinde jigitter jyldam tabyldy. Olardyń biri aıaǵyn qaıyryp alǵan. Qutqarýshylar alǵashqy medıtsınalyq kómek kórsetip, topty shatqal arqyly tómenge túsirdi. Іzdestirý-qutqarý jumystary sátti aıaqtaldy, — delingen habarlamada.

TJM taýǵa barýdy josparlaǵan qazaqstandyqtarǵa eskertý jasady.

— Taýǵa shyqpas buryn marshrýtty, aýa raıyn muqııat baǵalap, josparyńyzdy jaqyndaryńyzǵa nemese qutqarý qyzmetterine aldyn ala habarlaǵan jón. TJ oryn alǵan jaǵdaıda, ýaqtyly habar berý men geolokatsııany jiberý qutqarý jumystaryn edáýir jyldamdatady, — dep túsindirdi vedomstvo.

Osyǵan deıin Almaty oblysynyń taýlarynda týrıst adasyp ketkenin jazdyq.