«Fýkýsımadan» taralǵan radıatsııa Reseıge jetti
ASTANA. 30 naýryz. QazAqparat - Japonııanyń "Fýkýsıma" AES-iniń radıoaktıvti ıodynyń juǵyndylary seısenbi kúni Prımore aýmaǵynan tabyldy,
dep habarlaıdy RBK Prımore qorshaǵan ortany qorǵaýdyń gıdrometeorologııa jáne monıtorıngi jónindegi basqarmasyna ("Prımgıdromet") silteme jasap.
Gamma-spektrometrııalogııalyq taldaýdyń málimetteri stansadan alynǵan aýanyń bir táýlikti tekseriliminde 26-ynan 27-si, 27-sinen 28-i jáne 28-inen 29-ynshy naýryz kúnderi ıodtyń 131 kórsetkishin aıqyndaǵan.
Bir qýanyshtysy, onyń kontsentratsııasy ruqsat etiletin deńgeıden 100 ese tómen.Sondyqtan adam densaýlyǵyna eshqandaı zııany joq, qaýip tóndirmeıdi. Qazirgi ýaqytta aýanyń táýliktik tekserimi 29-nan 30-ynshy naýryzǵa júrgizilýde. Tekserý nátıjesi ony aıaqtaǵannan keıin birden jarııalanady.
