«Fýkýsımadaǵy» apattyń zardaptary merziminde joıylmaýda
ASTANA. 30 mamyr. QazAqparat - TEPCO kompanııasy 2011 jyldyń aıaǵyna deıin naýryz aıynda oryn alǵan apattyń zardaptaryn joıa almaýy múmkin.
Bul týraly Kyodoǵa bergen suhbatynda Japonııanyń joǵary basshylyǵynyń ókili málim etti.
Onyń aıtýynsha, Japonııanyń AES-indegi úsh energobloktiń reaktoryndaǵy janar maı balqyp ketkendikten, apatty joıý kestesi buzylyp otyr. Osy jaǵdaı búgingi kúnniń eń basty máselesine aınalyp otyr, dep atap kórsetti TEPCO ókili. Qazir qalǵan jumystardyń barlyǵy keıinge ysyrylǵan, dep habarlaıdy Rosbalt.
«Fýkýsımadaǵy» apatty joıýdyń jańa merzimi týraly eshteńe aıtylmaıdy.
