Fýkýsımadaǵy AES radıoaktıvti bólikterinen tazartylǵan sý teńizge quıylady
BEIJІŃ. QazAqparat – Japonııa bıligi «Fýkýsıma-1» apatty AES-tan radıoaktıvti bólikterden tazartylǵan sýdyń ashyq teńizge quıylýyn resmı túrde maquldady. Osyndaı sheshimdi seısenbi kúni Japonııanyń mınıstrler kabıneti qabyldady, dep habarlaıdy QazAqparat Kyodo aqparat agenttigine silteme jasap.
Agenttiktiń málimetinshe, Japonııa úkimeti atalǵan tehnologııalyq protsestiń adam densaýlyǵy nemese qorshaǵan ortaǵa keri áserin tıgizbeıtinin naqtylap, «Fýkýsıma-1» AES-tan tazartylǵan radıoaktıvti sýdy teńizge quıý sheshimin qabyldady.
Qazirgi kezde 1,25 mln tonnadan asatyn tazartylǵan radıoaktıvti sý «Fýkýsıma-1» AES aýmaǵyndaǵy rezervýarlarda saqtalyp otyr. Sýdy tazartý protsesi kóptegen qaýipti radıoaktıvti zattardy joıady, biraq trıtııdi qaldyrady.
«Fýkýsıma-1» AES-taǵy apat 2011 jyldyń 11 naýryzynda bolǵan. Apat jer silkinisi, odan keıin oryn alǵan tsýnamıden keıin oryn aldy.
