Fýkýsıma: Polsha fotografynyń apat aımaǵyna sapary (FOTO)
ASTANA. QazAqparat - Polsha fotografy Arkadıýsh Podnesınskı Japonııada osydan 5 jyl buryn AES apatqa ushyraǵan Fýkýsıma qalasyna barǵan, dep jazady moya-planeta.ru.
Fotograf bul sýretterdi 2015 jyly túsirgen. Fotojoba maqsaty Fýkýsımaǵa adamdardyń nazaryn taǵy bir aýdarý bolǵan.
«Barlyǵyna tabıǵat emes, adam kináli», - dedi fotograf negizgi joba túıini boıynsha.
«Saparymdy josparlaǵanda mende qobaljý boldy. Aldymda ne kútip tur? Men bilmeıtin til, mádenıet, salt-dástúr, oqıǵadan soń tórt jyldan keıin ol jerden ne tabamyn? Bul Chernobyl apatynan qalǵan aımaqqa uqsas bola ma?», - degen suraqtar mazalady deıdi fotorgaf.
Eske sala keteıik, 2011 jyly naýryzdyń 11-de jer silkinisi men tsýnamıden keıin Fýkýsıma Daııchı ıadrolyq stansasy isten shyqty. MAGATE anyqtalǵan málimetter boıynsha radıatsııanyń adam densaýlyǵyna, qorshaǵan ortaǵa zor zııan tıgizetin iri apat ekenin kórsetken bolatyn.
