«Fýkýsıma» AES janyndaǵy teńiz sýyndaǵy radıatsııa normadan 4,4 esege asyp tústi
ASTANA. 31 naýryz. QazAqparat - Apatty jaǵdaıdaǵy «Fýkýsıma» atom-elektr stansasynyń janyndaǵy teńizde radıatsııanyń deńgeıi normadan 54 myń 385 esege asyp tústi.
VVS telekompanııasynyń japondyq Kyodo agenttigine silteme jasap habarlaýynsha, energetıkter radıatsııanyń ári qaraı taraýyna jol bermes úshin, stansanyń aınalasyna topyraqty qatyratyn arnaıy shaıyr shashpaq. Problemany sheshýdiń basqa da joldary izdestirilýde.
Japon ókimeti «Fýkýsıma úshin shaıqasta» jeńiliske ushyraǵanyn moıyndady. Operator-kompanııanyń ókilderi, stansanyń barlyq tórt reaktorynyń jaǵdaıy nashar ekenin, olardy isten shyǵarýdan basqa joldyń joqtyǵyn málim etip otyr.
Kompanııa Japonııa azamattarynan keshirim surap, apat saldarynan zardap shekkenderge ótemaqy tóleýge ýáde berdi.
