«Fýkýsıma» AES-indegi apattyń sebebin shilde aıynda Venadaǵy Japonııa komıssııasy men MAGATE jarııa etedi
ASTANA. 8 maýsym. QazAqparat - "MAGATE men Japonııa komıssııasy shilde aıynda Venada «Fýkýsıma» Atom elektr stansysynda bolǵan apattyń sebebi týraly baıandama jasaıdy", - dep málim etti búgin Astanada Japonıanyń atom energetıkasy jónindegi agenttiginiń yqpaldasqan kepildikti, ıadrolyq taratpaýdy jáne ıadrolyq qaýipsizdikti qoldaý ortalyǵynyń dırektory Masao Senzakı.
Japonııa úkimetiniń janynan AES-daǵy apattyń sebebin zertteýmen aınalysatyn arnaıy Shtab qurylǵan.
«MAGATE-ǵa Fýkýsımadaǵy oqıǵany zertteýmen aınalysatyn arnaıy komıssııa jiberildi. Olar óz jumystarynyń qorytyndysy boıynsha baıaandama daıyndady. Sonymen qatar Japonııa tarapynan ázirlengen málimetter bar. Eki baıandama da kelesi aıda bolatyn Venadaǵy kezdesý kezinde jarııalanady», - dedi atom energııasyn beıbit maqsatta paıdalaný jónindegi ótken semınar kezinde jýrnalısterdiń suraqtaryna jaýap bergen Senzakı.
