«Fýkýsıma» AES-indegi apat saldaryn joıý úshin $195 mlrd. jumsalady
ASTANA. QazAqparat - Japonııa bıligi «Fýkýsıma» atom elektr stantsııasyndaǵy apat saldaryn joıýǵa jumsalatyn qarjy kólemin eseptep shyǵardy, dep jazady «Habar 24».
Kúnshyǵys eliniń saýda jáne ónerkásip mınıstri Hıro-sıge Sekonyń málimdeýinshe zardaptardy joıýǵa 22 trıllıon ıen, ıaǵnı 195 mıllıard dollar qajet. Bul osyǵan deıin boljanǵan mólsherden 2 ese kóp.
Qarajattyń biraz bóligi elektr qýaty tólemaqysyn ósirý arqyly jınalmaq. Budan basqa «Fýkýsıma-1» stantsııasyndaǵy jumysty atqarý úshin «Tokıo energetıka kompanııasyna» 13 jarym trıllıon ıen nesıe beriletin boldy. Biraq reaktorlardyń qoımalaryna jınalǵan ıadrolyq otynnyń qandaı jolmen alynatyny týraly tehnıkalyq másele áli kúnge deıin sheshimin tappaı tur.
