«Fýkýsıma» AES-inde iri kólemde radıoaktıvti sý aǵyp ketti
ASTANA. 20 tamyz. QazAqparat - Japondyq «Fýkýsıma» atom elektr stansasy konteınerleriniń birinen 300 tonna radıoaktıvti sý aǵyp ketti. Bul týraly stansa operatorlarynyń biri habarlady, dep jazady Ýtro. rýAtalǵan ydys mańynan radıoaktıvti sáýlelený deńgeıimen shalshyq sýlar anyqtaldy. Mamandar tórt tonna sýdy jınap úlgergen, al qalǵany jerge sińip ketti.
Radıoaktıvti sýdyń qaıdan aqqany ázirge belisiz, alaıda ol sý aǵatyn júıege qosylǵan qaqpaqsha arqyly ótýi múmkin degen joramaldar aıtylýda.
Atalǵan stansada apat bolǵannan beri eki jyldan astam ýaqyt ótti. 2011 jyldyń naýryzynda jer silkinisi men tsýnamı saldarynan «Fýkýsıma-1» AES-ine kúrdeli zaqymdar keldi.
