«Fýkýsıma-1» kompanııasynyń basqarýshysy ózin-ózi óltirgeni týraly alyp-qashpa sóz tarady
ASTANA. 30 naýryz. QazAqparat - Japonııadaǵy jer silkinisi men tsýnamıden zardap shegýshi «Fýkýsıma-1» AES-i apatqa ushyraǵannan beri ósek-aıań qaptap ketti.
Endi mine, stansanyń (TEPCO) basqarýshylarynyń bastyǵy Masatakı Shımıdzýdyń ózin-ózi óltirgeni týraly taǵy bir alyp-qashpa sóz shyqty, - dep habarlaıdy Lenta.rý The Business Insider basylymyna silteme jasap.
66 jastaǵy Shımıdzý apat bolǵannan beri kópshiliktiń kózinen tasa. 13 naýryzda bolǵan óziniń sońǵy baspasóz máslıhatynda «Fýkýsıma» prezıdentiniń operatory ǵana stansada bolǵan oqıǵa týraly keshirim surady. Keıinirek TEPCO baspasóz hatshysy «Shımıdzý jumystyń orasan kóptiginen júıkesi syr berip, aýyryp qaldy» degen málimet taratty.
