«Fýkýsıma-1» AES-te ýrandyq ózekshelerdi shyǵarý jumystary bastaldy
ASTANA. 18 qarasha. QazAqparat - Japonııada tsýnamı saldarynan apatty bolǵan «Fýkýsıma-1» AES-te jumysshylar stansadaǵy tórt reaktordyń birinen ýran ózekshelerin shyǵarýdy bastady. Mamandardyń sózine qaraǵanda, bul operatsııa bir jylǵa deıin sozylýy múmkin.
Sarapshylardyń atap ótýinshe, 2011 jylǵy jer silkinisinen keıin bosaǵan sýtektiń jarylystary stansany keıingi jerasty dúmpýlerine osal etti.
«Tepco» operator-kompanııasynyń baspasóz hatshysynyń málimetine qaraǵanda, alǵashqy 22 ýrandyq ózekshe eki kúnniń ishinde shyǵarylady. Sonymen qatar shoǵyrlanǵan alapta reaktor astyndaǵy ózeksheler 150 jınaqtan ornalastyrylǵan.
Mamandardyń aıtýynsha, bul - atalǵan nysandaǵy ahýaldy turaqtandyrý úshin táýekeldi qadam bolǵanymen, qajetti shara.
