«Fýkýsıma -1» AES-te salqyndatý júıesi taǵy da isten shyǵyp qaldy
ASTANA. 5 sáýir. QazAqparat - Japonııadaǵy «Fýkýsıma -1» atom elektr stansasynda paıdalanylǵan ıadrolyq materıaldardyń salqyndatqysh júıesi osymen ekinshi ret isten shyǵyp otyr. Bul týraly VVS-diń orys qyzmeti habarlady.
Tokyo Electric stansasynyń kompanııa-operatory da radıoktıvti negizderi bar basseınderdiń birinde salqyndatqysh júıe jumys istemeı qalǵanyn qýattady. Qazirgi ýaqytta bul júıe qalpyna keltirilip, salqyndatqyshtar tıisti tártipte jumys istep jatyr. Atalǵan qurylǵynyń isten shyǵýyna elektr júıesine kemirgishterdiń enýi sebep bolýy yqtımal.
Aıta keteıik, naýryzdyń orta kezinde salqyndatý júıesi stansanyń úsh basseıninde birden sónip qalǵan bolatyn. Tokyo Electric málimetine qaraǵanda, ol kezde júıe egeýquıryqtardyń elektr energııasyn taratqysh taqtaǵa kirip ketýinen óship qaldy.
2011 jyldyń kókteminde «Fýkýsıma-1» AES-ke jer silkinisi men tsýnamı saldarynan kúreli zaqymdar keltirilgen bolatyn. Osydan keıin stansa óziniń jumysyn toqtatty. Alaıda jarylystyń aldyn alý úshin paıdalanylǵan radıoktıvti negizderdi únemi salqyndatyp turý qajet.
